Daniya Qur’on va boshqa muqaddas kitoblarni yoqishni taqiqlaydi
Qoidabuzarlarni ikki yilgacha qamoq jazosi kutmoqda.
Daniya Qur’on, Injil va Tavrotni ommaviy ravishda yoqishni taqiqlaydi. Bu haqda ushbu mamlakat adliya vaziri Piter Xummelgordning so’zlariga tayanib TASS axborot agentligi xabar bergan.
Xummelgordning so’zlariga ko’ra, muqaddas kitoblarning yoqib yuborilishi Daniya fuqarolari uchun ham uyda, ham xorijda xavfsizlikka tahdidlarni kuchaytirgan.
Hozirda Daniya hukumati tegishli qonun loyihasini tayyorlamoqda. Agar bunday matnlarni ommaviy yoqish uchun qabul qilinsa, ikki yilgacha qamoq jazosi bilan hukm qilinadi.
Eslatib o‘tamiz, 25-iyul kuni o‘ta millatchi “Daniya vatanparvarlari” guruhi bir kunda Qur’onni yoqish uchun ikkita aksiya o‘tkazgan edi.