2023-yilda Rossiyadan O‘zbekistonga sayyohlar oqimi deyarli ikki baravar oshdi
Qayd etilishicha, bu yo‘nalish, xususan, parvozlar sonining ko‘payishi hisobiga tobora ommalashib bormoqda.
2023-yilning olti oyida Rossiyadan O‘zbekistonga sayyohlar oqimi qariyb 1,9 barobar oshdi. Bu haqda “TASS”ga O‘zbekistonning Rossiyadagi elchixonasi matbuot xizmati xabar berdi.
“2023-yilning olti oyida O‘zbekistonga kelgan rossiyalik sayyohlar soni o‘tgan yilning shu davriga nisbatan 1,9 barobarga oshib, 345 ming kishini tashkil etdi”, — deyiladi matbuot xizmati xabarida.
Ularning qoʻshimcha qilishicha, bu yoʻnalish reyslar sonining koʻpayishi tufayli ham tobora ommalashib bormoqda. “Bugungi kunda rossiyalik sayyohlar nafaqat Toshkentga, balki Samarqand, Buxoro, Farg‘ona, Urganch kabi shaharlarga ham parvoz qilish imkoniyatiga ega”, — deya qo‘shimcha qildi ular.
Eslatib o‘tamiz, avvalroq O‘zbekistonning Rossiya Federatsiyasidagi elchixonasi turizm sektori rahbari Azamat Raimov Sankt-Peterburg xalqaro iqtisodiy forumida so‘zlagan nutqi davomida O‘zbekiston rahbariyati o‘z oldiga har yili sayyohlar oqimini ko‘paytirish vazifasini qo‘yganini ma’lum qilgandi.
2022-yilda O‘zbekistonga 567 ming rossiyalik sayyoh tashrif buyurgan.