Jahon indeksi AQShda aksiyalar narxi keskin ko‘tarilganini ko‘rsatdi
Chorshanba kuni AQShda fond birjasi narxlari keskin ko‘tarildi, “S&P 500” va “Nasdaq” aksiyalari narxi 1 foizdan ko‘proqqa o‘sdi. Bu haqda “Reuters” xabar berdi.
Payshanba kuni e’lon qilingan hisobotga ko‘ra, AQShda iste’mol narxlari dekabr oyida o‘tgan yilning shu davriga nisbatan 6,5 foizga, noyabr oyidagiga nisbatan 7,1 foizga o‘sgan.
Iqtisodiy sektorlar orasida, ayniqsa, “Microsoft” va “Amazon” aksiyalari narxi yuqori ko‘tarilgan. Chorshanba kuni xarajatlarni sezilarli darajada kamaytirish uchun xodimlarni ishdan bo‘shatishni boshlagan “Goldman Sachs” aksiyalari 2 foizga qimmatlashdi.
Benchmark indeksi o‘tgan yili keskin tushib ketganidan keyin 2023-yilda qayta tiklandi. Ma’lumotlarga ko‘ra, AQSh birjasida aksiyalar hajmi so‘nggi 20 savdo kunida 11 milliardni tashkil etgan bo‘lsa, hozirda bu ko‘rsatkich 11,42 milliardni tashkil etdi.
Mutaxassislarning fikricha, AQShning eng yirik banklari pul-kredit siyosatining keskinlashuvi va retsessiyaning kuchayishi xavfi tufayli choraklik daromadlar pasaygani haqida xabar berishi mumkin.