Turkiya soch ko‘chirib o‘tkazish xizmatidan rekord darajada ko‘p daromad oldi
Soch ko‘chirib o‘tkazish xizmati 2022-yilda Turkiya g‘aznasiga 2 milliard dollardan ortiq daromad keltirdi. Mamlakatga xuddi shu xizmatdan foydalanish uchun 1 milliondan ortiq odam tashrif buyurgan. Bu haqda “TRT” xabar berdi.
Ma’lumotlarga ko‘ra, Turkiyada soch follikulasini transplantatsiya qilishning o‘rtacha narxi 2 000 dollarni tashkil qiladi. Turkiya tibbiyot turizmi uyushmasi rahbari Servet Terziler “Anadolu” agentligiga bergan intervyusida mazkur sohaning daromadi rekord darajani qayd etganini aytdi.
“2022-yilda 4 milliard dollarlik tibbiy xizmat ko‘rsatish aylanmasining yarmi soch ko‘chirib o‘tkazish xizmatlaridan olingan”, ‒ dedi ekspert: “Turkiyaning stomatologiya xizmatlari ham juda mashhur: o‘tgan yili soha tushumi 500 million dollardan oshdi”.
Uning aniqlik kiritishicha, Turkiya tibbiyot turizmi Yevropa davlatlaridan kelgan sayyohlar tomonidan “juda yuqori talab” ni ko‘rmoqda. Istanbul sogʻlomlashtirish turizmining poytaxti boʻlish maqsadi sari qatʼiy qadam tashlamoqda.
Terziler, shuningdek, xorijlik sayyohlar dengiz turizmiga katta qiziqish bildirayotganini aytdi. Uning soʻzlariga koʻra, bu boradagi daromadlar 10 milliard dollardan oshadi. Sanoat intilayotgan maqsadli koʻrsatkich esa 20 milliard dollarni tashkil etadi.