“ACWA Power” O‘zbekistonda “yashil” vodorod ishlab chiqarishni boshlaydi
“ACWA Power” kompaniyasi Energetika vazirligi va “O‘zkimyosanoat” konserni bilan ikkita shartnoma imzoladi, deya xabar berdi “Spot.uz”.
Ulardan biri doirasida Saudiya Arabistoni kompaniyasi “yashil” vodorod ishlab chiqarish majmuasini yaratishga sarmoya kiritadi. U Chirchiq shahrida, hozirgi ammiak zavodi negizida tashkil etiladi.
Qayd etilishicha, kelajakdagi majmuaning loyiha quvvati yiliga 3 ming tonna vodorodni tashkil etadi. Uning ishga tushirilishi kimyo sanoatida uglerod chiqindilarini kamaytirishi va iqtisodiyotning karbonsizlanishiga hissa qo‘shishi kutilmoqda.
“Yashil vodorod kelajak yoqilg‘isi hisoblanadi”, – dedi ACWA rahbari Muhammad Abunayan. “Biz O‘zbekistonda ushbu muhim toza energiya manbasini jadal rivojlantirish uchun global tajribamizdan foydalanish muvaffaqiyatiga ishonamiz”.
Shuningdek, korxona ekologik toza ammiak ishlab chiqarishni tashkil etadi. Hisob-kitoblarga ko‘ra, bu har yili 600 million kub metr gazni tejash va karbonat angidrid chiqindilarini 1,5 million tonnaga kamaytirish imkonini beradi.
O‘zbekistonda ACWA bir qator energetika loyihalari ustida ishlamoqda. Kompaniya Qoraqalpog‘istonda Markaziy Osiyodagi eng yirik 1500 MVt quvvatga ega shamol elektr stansiyasini quryapti. Energetika vazirligi bilan 1,65 milliard dollarlik shartnoma 2022-yilning dekabrida imzolangan, ishga tushirilishi 2026-yilga mo‘ljallanmoqda.
Bundan tashqari, Saudiya Arabistoni kompaniyasi ishtirokida Buxoro va Navoiy viloyatlarida shamol elektr stansiyalari, Qoraqalpog‘istonda 100 MVt quvvatga ega kichik shamol elektr stansiyasi qurilmoqda. Shuningdek, Sirdaryo viloyati Shirin shahrida yangi gaz bilan ishlaydigan elektr stansiyasiga sarmoya kiritmoqda.
Can you be more specific about the content of your article? After reading it, I still have some doubts. Hope you can help me.