ATV1

O‘zbekistonda bog‘chalar uchun e’lon qilingan ta’til kunlari 23-yanvargacha uzaytirildi.
“Maktabgacha ta’lim tashkilotlari va maktab-internatlardagi bolalar ta’minotiga haq to‘lash tartibi to‘g‘risida” gi nizomga muvofiq, ushbu kunlar uchun bo‘g‘cha to‘lovi undirilmaydi. Bu haqda O‘zA xabar berdi.

Xabarda keltirilishicha, agar taʼtil eʼlon qilingunga qadar toʻlovlar amalga oshirilgan boʻlsa, unda keyingi toʻlov jarayonida taʼtil kunlari uchun toʻlangan badal summasi hisobga olinadi. Bunda bolaning kelmagan kunlari soni bir kunlik toʻlov miqdoriga koʻpaytirilib, keyingi oyning toʻlov summasidan ayrib tashlanadi.

Shuningdek, bola bog‘chaga kelmagan kunlar uchun toʻlov hali amalga oshirilmagan boʻlsa, toʻlanishi lozim boʻlgan joriy toʻlov miqdori bola kelmagan kunlari hisobidan kamaytiriladi.