O‘zbekistonga eng ko‘p mahsulot eksport qiluvchi davlatlar qaysi?
O‘tgan yilning yanvar-dekabr oylarida O‘zbekiston importida yuqori ulushga ega bo‘lgan hamkor davlatlarning ro‘yxati maʼlum qilindi. Bu haqda “Dunyo” axborot agentligi xabar berdi.
Xabarga ko‘ra, O‘zbekiston importida eng yuqori ulushga ega mamlakat – bu Xitoy. 2022-yilda O‘zbekiston Xitoydan 6,4 milliard dollarlik mahsulot import qilgan. Ikkinchi o‘rinni esa 6,2 milliard dollarlik import hajmi bilan Rossiya egallagan.
O‘zbekistonga mahsulot eksport qiluvchi mamlakatlar orasida Qozog‘iston uchinchi o‘rinda turadi. Import hajmi 3,2 milliard dollarga teng. Shuningdek, O‘zbekiston quyidagi mamlakatlardan eng ko‘p mahsulot import qiladi:
- Koreya – 2,3 milliard;
- Turkiya – 1,7 milliard;
- Germaniya – 1,1 milliard;
- Turkmaniston – 732 million;
- Hindiston – 655 million;
- Braziliya – 553 million;
- Belarus – 410 million AQSh dollari.