“Markaziy bank kriptovalyutalarni qimmatli aktiv deb hisoblamaydi” — Mamarizo Nurmuratov
Markaziy bank rahbari Mamarizo Nurmuratov 26-yanvar kuni bo‘lib o‘tgan matbuot anjumanida regulyatorning investitsiya va to‘lov vositasi sifatidagi kriptoaktivlar bo‘yicha pozitsiyasini ma’lum qildi.
“Kriptoaktivlarga kelsak, shuni aytishim kerakki, Markaziy bank butun dunyoda boʻlgani kabi bu masalaga konservativ yondashadi. Biz kriptovalyutani qiymat aktivi deb hisoblamaymiz va unga munosabatimiz salbiy”, — dedi Markaziy bank raisi.
Markaziy bank kriptovalyutalar bilan bog‘liq xavflarni bir necha bor qayd etdi. Ularning aylanmasini kuzatish imkoniyati yo‘qligini hisobga olib, kriptoaktivlarning keng joriy etilishi regulyatorning fikricha, yashirin iqtisodiyotni rivojlantirish uchun qo‘shimcha shart-sharoitlar yaratadi.
Bundan tashqari, Markaziy bank ma’lumotlariga ko‘ra, garov ta’minotining yetishmasligi aholi farovonligiga salbiy ta’sir ko‘rsatishi mumkin. Boshqacha qilib aytadigan bo’lsak, hech kim kurslarning o‘zgarishidan ko‘rilgan zarar qoplanishini kafolatlay olmaydi, chunki kriptovalyutalar davlat tomonidan ta’minlanmaydi.