ATV1

2022-yilda o‘zbekistonliklar xorijdan qiymati qariyb 70 million dollarga teng elektromobillar xarid qilgan. Bu haqda statistika ma’lumotlari asosida “Spot.uz” xabar berdi.

Elektromobillar importida Xitoy yetakchi boʻlib, mamlakatdan oʻtgan yili 1 941 dona elektromobil olib kelingan. Statistika agentligi maʼlumotlariga koʻra, Oʻzbekiston 2022-yilda xorijdan qiymati 69,8 million dollarga teng boʻlgan 2 180 dona elektromobil import qilgan.

Elektromobillar importi 2021-yilning mos davri bilan solishtirilganda 1 371 taga oshgan. Oʻzbekiston 2022-yilda eng koʻp elektromobil import qilingan davlatlar:

• Xitoy – 1941 dona;
• BAA – 111 dona;
• Germaniya – 58 dona;
• Gong Kong – 42 dona;
• Litva – 10 dona;
• Koreya – 7 dona;
• Boshqa davlatlar – 11 dona.