ATV1

1147 ta issiqxona va 250 ta qurilish materiallari zavodlari ko’mir yoqilg’isiga o’tyapti.

O‘zbekistonda 1147 ta issiqxona va 250 ta qurilish materiallari ishlab chiqaruvchi zavodlarni ko‘mir yoqilg‘isiga o‘tkazish bo‘yicha rejalashtirilgan ko‘rsatkichlar va manzilli ro‘yxatlar tasdiqlandi.

Shuningdek, 1-maydan boshlab yangi tashkil etiladigan issiqxona xo‘jaliklari hamda sement, g‘isht va ohak mahsulotlarini ishlab chiqaruvchilarga tabiiy gaz tarmoqlariga ulanish uchun texnik shartlar berilishi taqiqlanadi.

Respublikadagi barcha yoqilg‘i quyish shoxobchalari (avtobenzin, suyultirilgan va siqilgan gaz) elektr energiyasi ta’minotining kamida 50 foizi quyosh batareyalari orqali qoplanadi.

Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari bo‘yicha Hukumat komissiyasiga tijorat banklari bilan birgalikda ko‘mir yoqilg‘isiga o‘tkazilayotgan korxonalarga asbob-uskunalar xarid qilish uchun o‘z vaqtida kredit mablag‘lari ajratilishini ta’minlash topshirildi.

Shuningdek, komissiya ko‘mir yoqilg‘isiga o‘tkazilayotgan korxonalar tomonidan ishlab chiqarilgan mahsulotlarni eksport qilish bo‘yicha kafolatlangan rag’batlantirish choralari ko’rilishi kerak.