ATV1

Nurafshon shahridagi kriptofermada 127 dona qurilma umumiy elektr tarmog’iga ulangan

Toshkent viloyati Nurafshon shahridagi yer osti mayning-fermasi faoliyatiga chek qo’yildi, deb xabar bermoqda Bosh prokuratura huzuridagi departament matbuot xizmati.

Qoidabuzarlar xorijiy davlat fuqarosi va o’zbekistonlik ekanligi ma’lum bo’lgan. Ular jami 127 ta to‘plamdagi mayning kripto-aktivlari qurilmalarini umumiy elektr tarmog‘iga o‘zboshimchalik bilan ulab, elektr energiyasi va tabiiy gazdan noqonuniy foydalanishlari natijasida davlat va jamiyat manfaatlariga 1,5 mlrd so‘mlik zarar yetkazgan.

Holat yuzasidan Jinoyat kodeksining 169-moddasi (o‘g‘irlik) va 185-2-moddalari (elektr, issiqlik energiyasi, gaz, suv ta’minotidan foydalanish qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.