Yevropada gaz narxi 1000 kub metr uchun 400$ dan pastladi
2021-yilning iyulidan beri ilk marta Yevropada gaz narxi eng past darajasiga tushdi
Londonning “ICE” birjasi ma’lumotlariga ko’ra, chorshanba kungi savdolar yakunida Yevropada gaz fyucherslarining narxi har ming kub metr uchun 400$ dan pastga tushdi.
TTF indeksi bo’yicha iyun (eng yaqin) fyucherslari (Yevropadagi eng yirik markaz, Niderlandiyada joylashgan) har ming kub metr uchun 409,5$ dan (+0,4 foiz) savdoni ochdi.
Kun davomida gaz narxi 410,7$ (+ 0,7 foiz) yuqori natijaga yetdi. Biroq, kechqurun fyuchers narxlari 2021-yil iyulidan beri birinchi marta 400$ dan pastga tushdi.
Yevropada gazning birja narxlari o’tgan yil oxiridan beri pasaymoqda. Mart oyida ular bir yarim yildan ko’proq vaqt ichida birinchi marta — 2021-yil iyulidan beri har ming kubometr uchun 450$ gacha pasaygan.
Bu o’tgan yilgi bahorning birinchi kunlaridagi rekord ko’rsatkichlardan sakkiz baravar past — har ming kub metr uchun deyarli 3900$ ni tashkil qilgandi.
Yevropa birjasida gaz narxi Yevropa Ittifoqidagi yer osti gaz omborlaridagi yetarli zaxiralar, shuningdek, issiq va shamolli ob-havo hamda tejamkorlik choralari tufayli yoqilg’i sarfini sezilarli darajada kamaytirgani sababli tushib ketdi.
Biroq, pasayishga qaramay, gaz kotirovkalari kuzatuvlarning uzoq tarixi uchun o’rtacha ikki baravar ko’p. Bunday doimiy yuqori narxlar Yevropada gaz markazlari faoliyatining butun tarixida — 1996-yildan beri kuzatilmagan.
Yevropada gaz narxi 2021-yilning bahorida sezilarli darajada oshdi. O’sha paytda gaz narxi 1000 kub metr uchun 250−300$ oralig’ida o’zgarib turardi, yoz oxiriga kelib ular 600$dan, kuzda esa 1000$dan oshdi.
2022-yil qishida narxlar 1000 kub metr uchun 2000$ chegarasidan o’tdi va erta bahorda Rossiya energiya resurslari importiga taqiq qo’yilishidan qo’rqib, rekord darajaga — 1000 kub metr uchun 3892$ga yetdi.
25-avgustda Yevropada gazning birja narxi 8-martdan beri 3200$ dan oshgandi. Avgust oyi oxiridan gaz narxi yana pastlay boshladi.
Yevropada gaz narxi iyun oyidan beri birinchi marta 18-oktabrda 1200$ dan pastlagandi. Keyinchalik oy oxirida narx 1000$ dan pastlab, 953$ga baholangandi.
Gaz narxi 27-dekabrda 2022-yil 13-iyundan beri birinchi marta 900$dan pastga tushganidan keyin, 10 oy ichida birinchi marta 30-dekabrda 1000 kub metr uchun 800$ dan pastga tushdi.