ATV1

So’rovnomada narxlarning sun’iy ko’tarilishi omili 22 punktga oshib, 40 ball to’plagan

O’zbekiston aholisi va tadbirkorlarning keyingi 12 oy davomida inflyatsion kutilmalari pasayishda davom etyapti. Markaziy bank o’tkazgan so’rov yakunlarida bu haqda so’z boradi.

Aholi inflyatsion kutilmalari o’rtacha 14,1 foiz (mart oyiga nisbatan -0,3 foiz), tadbirkorlarda — 13,9 foiz (-0,2 foiz)ni tashkil etdi. Shu bilan birga, avval xabar berganimizdek, yanvar oyida energetika inqirozi fonida o’rtacha ko’rsatkich 2020-yil iyulidan boshlab maksimal darajaga yetdi — mos ravishda 18,9 va 18,7 foiz.

Inflyatsion kutilmalar bo’yicha eng pessimistik viloyat Buxoro viloyati bo’ldi. Ushbu hududdagi respondentlar inflyatsiya 15,4 foiz bo’lishini kutmoqda. Eng optimistik umidlar Qoraqalpog’istonda — 12,4 foiz.

So’rovlar natijasiga ko’ra, aholining narxlarning sun’iy ko’tarilishi omili keskin — 22 punktga oshib, 40 ballga yetgan.

Aholi keyingi 12 oyda narxlarning oshishiga asosan ish haqining oshishi ta’sir qilishidan xavotirda — respondentlarning 50 foizi (mart oyida — 38 foiz), valyuta kursining o’zgarishi — 45 foizi (51 foiz), bo‘lajak inflyatsiya narxlarning sun’iy o’sishida asosiy omil deb hisoblaydiganlar 18 foizdan 40 foizga keskin ko’tarildi.

Tadbirkorlar hali ham inflyatsiyaga valyuta tebranishlari — 43 foiz (50 foiz), ish haqining oshishi — 41 foiz (34 foiz), shuningdek, yoqilg’i va transport xizmatlari narxining oshishi — 29 foiz (33 foiz) ta’sir qiladi, deb hisoblashadi.

Respondentlarning qariyb uchdan bir qismi yil oxirigacha inflyatsiyani rasman prognoz qilingan darajada (9−12 foiz) kutmoqda.