Alibaba daromadi ikki yil ichida eng yuqori darajaga yetdi
Xitoyning elektron tijorat giganti Alibaba o‘zining choraklik daromadi ikki yil ichida eng yuqori ko‘rsatkichga erishganini ma’lum qildi. Bunga Xitoydagi iqtisodiy qiyinchiliklar sharoitida arzon tovarlar savdosiga o‘tilishi sabab bo‘lgan, deb aniqladi Reuters.
2023-yilning birinchi choragida Alibaba daromadi 234,16 milliard yuanni (32,29 milliard dollar) tashkil qildi. Bu o‘tgan yilga nisbatan 14 foizga ko‘pdir. Kompaniyaning natijasi ham tahlilchilar prognozlaridan oshib ketdi.
Hisobot Amerika Qo’shma Shtatlarida (AQSh) ro’yxatga olingan Alibaba aktsiyalarini 5,6% ga oshirdi.
Citi Bank tahlilchisi Alisiya Yapning fikriga ko’ra, aksariyat sarmoyadorlar chorak uchun yaxshi natijalarni bashorat qilishgan, biroq hisobot, ayniqsa, daromadlar bo‘yicha, ko‘pchilik kutganidan oshib ketdi.
Shu bilan birga, ekspertlar so’nggi paytlarda iste’mol sektorida deflyatsiya qayd etilgan Xitoy iqtisodiyotidagi vaziyatning biznesga ta’siridan xavotirda. Bir kun avval AQSh prezidenti Jo Bayden Xitoy iqtisodiy qiyinchiliklar tufayli “bomba”ga aylanib borayotganini aytdi.
Alibaba Group – AliExpress, Alibaba.com, Taobao.com portallariga egalik qiluvchi Xitoy davlat kompaniyasidir. Uning asosiy faoliyati onlayn chakana savdo va biznesdan biznesga operatsiyalardan iborat.